236            TESTAMENTS ENREGISTRÉS AU PARLEMENT DE PARIS          (476)
Mote et Jehan Manessier, clers notaires du roy nostre dit seigneur en son Chastellet de Paris, fut presente en sa propre personne noble dame, madame Eude la Piz d'Oe, femme de noble homme Jaques l'Em­pereur, escuier, eschançon du roy nostre dit seigneur, gisant par ma­ladie en son lit, toute voyes saine de pensée, et de bon et vray enten­dement, si comme par ses paroles et de prime face apparoit, attendant et saigetnent en soy considerant que briefs sont les jours d'omme et de femme, et que à toute creature humaine par le décours du temps ap­proche le terme et fin de sa vie temporele, et qu'il n'est chose plus certaine de la mort ne moins certaine de l'eure d'icelle, et n'est nul si riche ne fort qu'il ne convieigne passer par les destroiz de la mort et deceder de ce siecle, mais il n'est nul si saige qui saiche où, quant ne comment, non voulant intestate departir de ce siecle, mais de son povoir voulant et desirant pourveoir et remedier au salut et remede de l'ame d'elle, et prevenir aux cas fortuneux qui de jour en jour aviennent, et des biens temporelz que Nostre Seigneur Jhesu Crist lui a prestez en ce monde transitoire disposer- et ordener par maniere et disposi­cion testamentaire, pour ce, aiant en memoire ces choses, tandiz que sens et raison par discrecion gouvernent soy et sa pensée, de sa cer­taine science en ia presence des dis notaires fist, composa, devisa et ordonna, fait, compose et ordonne son testament ou ordonnance de derraine vouienté, ou nom du Pere, et du Filz et du benoit saint Es­perit, un Dieu en Trinité, et par la fourme et maniere qui s'ensuit :
Et premierement, ycelle madame Eude la Piz d'Oe, comme bonne et vraye catholique, recommanda et recommande tres humblement et tres devotement et de tout son cuer son ame et esperit, quant de son corps départira, à Nostre Seigneur Jhesu Crist, son createur et rédemp­teur, à la tres glorieuse Vierge Marie sa mere, dame et mere de grace et misericorde, à monseigneur saint Michiel l'archange, à monseigneur saint Jehan Baptiste, à monseigneur saint Pierre et saint Pol, à mon­seigneur saint Estienne et à monseigneur saint Denys, à monseigneur saint Nicolas, à madame saincte Katherine, et à tous les anges, ar-canges, patriarches, apostres, euvangelistes, disciples, martirs, confes-